До школ в Мадярьску наступлять 19. апріля школярї першого ступня основных школ а дїти матерьскых школ. Подля справодайского сервера portfolio.hu то у четверь в Будапештї ознамив операчный штаб, подля котрого але участь на навчаню не буде повинна. Штатный таёмник резорту людьскых здроїв Золтан Маруса тыж припомянув, же проти захворіню COVID-19 дотеперь заочковали 200.000 учітелїв. Председа влады Віктор Орбан в середу по рокованю влады повів, же на роздїл од первісных планів іщі 19. апріля не отворять матерьскы школы ани першый ступінь основных школ. ,,Отворяти будеме мочі лем помалы а поступно, зато жадам родічів о терпезливость,“ додав Орбан з позначков, же высшы рочникы основных школ наступлять на презенчне навчаня довєдна з ґімназістами 10. мая, довтоды ся буде навчаня одбывати діштанчно, так як дотеперь.

(TASR, Шутіова)