Ізраілскый премєр Бенъямін Нетанъягу в неділю выголосив, же в септембрі ся стрітне із америцькым презідентом Доналдом Трампом почас навщівы Ню Йорку. Нетанъягу выступить із проявом на септембровім засіданю Валной громады Орґанізації зъєдиненых народів. Інформовала о тім аґентура Reuters. Премєр Ізраіля говорив о його планах журналістам курто перед тым, як в неділю вечур одлетів з Тел Авіву на історічну навщіву Арґентіны і Мексіка. Нетанъягу є обще першым премєром Ізраіля, котрый абсолвує офіціалну навщіву Латиньской Америкы. Як премєр повів, з Мексіка піде до Ню Йорку, де выступить на Валній громаді і там ся стрітне із приятельом, презідентом Трампом. Білый дім затля ку стрічі лідрів не выразив ся.
(Петро Медвідь)