Векшына жытелів Каталанії спринимать пропонованый референдум о незалежности того реґіону, котрый є напланованый на 1-го октобра, за протиправный. Выходить то із новой анкеты публічного мніня. Подля резултатів анкеты, котра была зроблена про іспаньскый денник El País, аж 56 процент Каталнців выразило ся, же референдум є протиправный і необґрунтованый. Єднаке проценто людей повіло, же містна сепаратістічна влада бы мала змінити стратеґію і зачати їднати із централнов владов в Мадріді. Проти референдуму Мадрід ставлять ся остро крітічно і премєр Маріано Рахой подав проти референдуму пропозіцію на Конштітучный суд, котрый референдум вецераз заказав. Прокуратура остерігать каталаньску владу, же може прийти ку карному процесу, покля буде продовжовати в сепаратістічных намагах.
(Петро Медвідь)