Партнерство Чехії, Мадярьска, Поландії і Словакії в області туристичного руху посилнили країны вчерайшым одобріньом сполочного маркетінґового плану на рік 2019. Заступниці країн Вышеградской штирькы (V4) підписали у данім звязку на Штырьбскім плесі протокол о співпраці і вшыткы страны сконштатували, же сполочнов презентаційов реґіону на вздаленішых торгах можуть досягти звышіня навщівеності при вкладі нижшых фінанчных средств.  Цільом V4 є врамках сполочной значкы Discover Central Europe ословити новы цільовы ґрупы. Словакія як председницька країна V4 пропонує зосередити свою увагу на презентацію до США, Канады, Росії, Чайны і в країнах Перзького проливу ці Австралії. (TASR, Pkf)