Роздавати хоцьшто задарьмо є зла путь, злый напрям. В неділній дискусній релації ТА3 В політикі то підкреслив председа опозичной партії СаС Ріхард Сулік. Як далі повів, „Давати воличім дашто задарьмо, то є та найпримітівніша форма купованя собі голосів.“ СаС є за його словами зато, абы ся зрушыли влакы задарьмо і єдночасно приправованы обіды задармо. „Тоты влакы стоять 15 аж 20 міліонів евр. Так з єдного боку бы сьме їх зрушыли а здругого боку бы сьме за тоты істы фінанції людям штось інше понукли,“ повів Сулік. Наприклад бы ся за його словами могло заместнати 1000 жалізницьных поліцайтів навыше на стражіня влаків, абы быв в них порядок і людей бы ся небояли в них путовати. Тым бы ся наприклад стали і непотрібны „Котлебовы патролі.“
(TASR)