Як уваждать TASR, на четверёвім стрїтнутю єпіскопів выходной і середнёй Европы в Братїславі увів в прослові премєр Петер Пеллеґріні, же вольба уставных судцїв про найближшы рокы на Словакії овпливнить характер охраны традічных цїнностей і набоженьской слободы. „Мою владу чекать тоже нарочна задача – вольба девятёх уставных судцїв з цїлково тринадцятёх враховано єй председу. Буде то важна вольба, котра значно овпливнить характер охраны традічных цїнностей і набоженьской слободы в слїдуючіх дванадцятёы роках. Усвідомлюю сі при тім, як залежить доля людей в сучасній демокрації од сподобу фунґованя неволеной моци уставных судів в нашій Европі,“ увів Пеллеґріні. Припомянув одпераючу позіцію к Істанбульскому договору: „Яснї сьме ся выядрили а мы в тій лінії продовжуєме а не розумлю цїлій тій істерії навколо Істанбульского договора“. Увів, же влада ся намыгать поступати так, жебы хранила културну і духовну дїдовизну і просаджовала леґіслатіву, яка здорово позерать на добро і беспечность штату.
(TASR)