Низконакладова літецька компанія Райнер зрушыла на будучій тыждень за актуалізуваныма інформаціями 600 літів. Причинов є грозіня штрайку членів палубного персоналу в дньох 25.- 26. юла, котрый бы ся міг дотулити денно аж 50.000 путуючіх. Компанія о тім інформувала посередницьтвом єдной зо соціалной сіті. Як далі выпливать за інформаціями пресовой аґентуры ТАСР, пару годин перед тым компанія інформувала, же зрушыла на будучій тыждень 300 літів, 200 до іспанскых дестинацій а по 50 до Портуґалії і Белґії. Одборовы орґанізації в споминаных трьох країнах уж вызвали палубных робітників Райнеру на протестну акцію, котрой цільом є „досягнутя вышшого заробітку і зліпшіня робочіх условій“. Ірьскы пілоты компанії з тых самых причин зачнуть штрайкувати уж завтра, 20. юла а у вівторок 24. юла.
(TASR)