Штатна акціова сполочность KONŠTRUKTA-Defence в Дубніцї над Вагом выробить 25 модернізованых дїлострїлецькых сістемів Зузана 2 в сумі до 175 міліонів евр до року 2022. На пресконференції о тім ну четверь інформовав міністер обраны Петер Ґайдош. TASR дале інформує, же дякуючі реалізації проєктів боёвых обырненых возидел 8х8 і самоходных каноновых гуфніц Зузана 2 ся ожывить домашнїй обранный зброярьскый промысел на Поважі, причім подля першых одгадів взникне коло 150 аж 300 робочіх місц прямо в компанії DMD Group а далшых 300 аж 500 в субдодавательскых і кооперачных фірмах. Як дале уваджать Ґайдош: „Самособов такым способом ся нам подарить забеспечіти задачі і тезы проґрамового выголошіня влады СР а самособов і проґраму Словацькой народной партії. Вірю тому, же тоты словацькы продукты будуть конкуренції способны не лем з погляду боёвого вывжытя, но і з погляду економікы і торгового господарьства, думам тым самособов загранічны торгы.“ Штат так хоче заховати і розвивати потенціал реґіону, котрый колись быв сердцём зброярьского промыхлу Словацькой републікы.
(TASR)