Пріорітов Мілана Лучаньского на посаді поліцайного презідента буде стабілізація поліції і піднятя їй довірыгодности. Повів то в понедільок по тім, што го міністерка внутрішніх справ Деніса Сакова выменовала до функції. „Вірю, же буду продовжовати в роботі, котра была зачата. Головны пріоріты, котры єм повів на оборонно-безпечностнім выборі, то стабілізація Поліцайного збору і піднятя його довірыгодности. Вшыткы крокы, котры буду на посаді поліцайного презідента выконовати, будуть напрямены ку тым двом пріорітам,“ повів Лучаньскый. Меджі кроками, котры хоче прияти, є подля слов поліцайного презідента і наставліня сістемы карьєрного поступу. Сконштатовав, же важнов є і мотівація, за потрібне бере притягнути до поліції головно фаховців. Наростаня компютеровой кріміналіты і технічный проґрес собі подля Лучанського выжадує фундованых молодых людей.

(Медвідь, TASR)