Хто в суботу вечур (13-го апріля 2019 р.) позерав словацьку телевізію, міг видіти вітязів aнкеты особностей телевізной образовкы OTO 2018. Святочный вечур модеровав Михал Гудак. Популарны твари і проґрамы собі на сцені Словацького народного театру в прямім высыланю Єднічкы  RTVS розділили оцініня у пятнадцятьох катеґоріях. У новій катеґорії забавляч рока собі перевзяв оцініня Михал Гудак, котрый здобыв і оцініня абсолутный ОТО за найвеце здобытых голосів. При перебераню ціны Михал Гудак подяковав свому нянькови по русиньскы. Новым членом салы славы став знамый режісер Юрай Якубіско. (TASR – А. Кузмякова)