В пятніцю 26-го октобра продовжують у Старій Любовні ославы з нагоды 50-ой річніці екзістенції окресу Стара Любовня. В рамках юбілею одбуде ся в обрядовій салі Містьского уряду Святочне засіданя Любовняньского реґіоналного здружіня міст і сел, на котрім буде одпрезентована 600-сторінкова публікація, яка вышла під назвов СТАРА ЛЮБОВНЯ – реґіон многых култур на граніці Спіша і Шаріша. Ославы окресу завершать в неділю обновленов подійов Дары землі, котра зачне дополудня Божественнов дяковнов літурґійов, потім буде проґрам продовжовати выставов плодів тогорічной уроды і богатым концертом.
(А. Кузмякова)