x

В Мікулашовій посвятили памятник І. світовой войны

00

В суботу 20-го октобра на верьшку Каштелик коло села Мікулашова торжественно посвятили памятник, котрый припоминать бої І. світовой войны. Як інформовав словацьку державну пресову аґентуру TASR председа Клубу воєньской історії Бескіды Мартін Дробняк, на торжестві брало участь коло 60 людей. Памятник, котрый посвятив ґрекокатолицькый і православный воєньскый духовный, творить камянный моноліт – пункт стрічі вояків, і 39 деревяных стовпів. Стовпы мають вытворити в навщівникови почутя тиску, стиснутя, котре пережывали вояци. Суть зроблены з двох матеріалів, што сімболізує дві воюючі армії.
(лем.фм, Медвідь)
Фото: Klub vojenskej histórie Beskydy