x

Одбыв ся Міморядный сейм РОС

00

Русиньска оброда на Словеньску присвятила другу апрільову суботу – 13-го апріля – засіданям своїх найвысшых орґанів. В бардейовскім готелі АRTIN зачало найперше засіданя Коордіначного выбору, котрого членами суть председове  Містных орґанізацій з русиньскых реґіонів. Потім проходило засіданя делеґатів 14-го Міморядного сейму Русиньской оброды на Словеньску, на котрім председа Мартін Караш выступив з оцінков трирічного діятельства орґанізації. Делеґаты Сейму схвалили продовжіня мандату председови орґанізації Мартінови Карашови, членам Выконного і Коордiначного выборів і членам Дозорной рады аж до рядного Сейму, котрый ся одбуде в посліднім кварталі того рока. Зробили так з той причіны, бо в літі, у першый юловый вікенд т. р., буде Русиньска оброда на Словеньску орґанізатором 15-го Світового конґресу Русинів, котрый буде проходити в Любовняньскых купелях. (А. Кузмякова)