Шпеціалізована скора здравотна поміч (ŠRZP) зачала діяти в Пряшові. Як новый тіп станіці ю од середы як першу здравотну службу на Словакії зачала превадзковати Здравотна служба Кошыці (ZSKE). На соціалній сіті о тім інформовала ZSKE. „Членами даной посадкы суть здравотны рятовници з найвысшов можнов освітов в їх фаху і росшыреныма компетенціями, котры їм ,‟розвяжуть‟ рукы в сітуаціях, кедь то нашы пацієнты будуть найвеце потребовати,“ увела ZSKE. Доповнила, же тот тіп посадкы дотеперь не быв і поступово ю будуть превадзковати і в Кошіцях і Попраді. Посадкы ŠRZP не суть компензаційов посадкы з лікарьом, але доповніньом сістему передшпитальной здравотной старостливости.  Од середы ся вєдно з тым в Пряшові на драгах указує і амбуланція тіпу rendez-vous, то значіть посадка з лікарьом в  режімі – стрічаваня ся в меншім SUV авті. (TASR, Пкф)