Ізраільскый премєр Бенъямін Нетанъягу у віторок оголосив, же согласив ся з пропозіційов америцького презідента Доналда Трампа на переміря з Іраном. Ізраіль подля його слов досягнув свій ціль, котрым была елімінація іраньской ядровой і балістічной грозьбы. Нетанъягу подяковав Трампови за підпору в обороні його країны і участь на операціях проти іраньскых ядровых капаціт. Америцькый презідент в понедільок оголосив, же Іран і Ізраіль доїднали ся на „цілковім перемірю“. Днес выголосив, же переміря уж вступило до платности. Дотримовати го має наперед Іран, і Ізраіль ся придасть по 12-ох годинах. Іран в понедільок іщі атаковав америцькы воєньскы базы в Катарі і Іраку. Трамп повів, же то была „слаба одповідь, котру Споєны штаты очековали і барз ефектівно одбили“.

(Медвідь, TASR)