x

АНО і ЧССД вытворять коалічну владу

00

Політичный рух АНО хоче до двох тыжднів приправити текст коалічного договору з ЧССД. Увів то першый підпредседа АНО Ярослав Фалтінек в недільняйшій реляції Вопросы Вацлава Моравца в Ческій телевізії. “В часі 14 дні хочеме дати до купы конкретный  текст коалічного договору, протоже на проґрамовых пунктах сьме ся уж договорили,“ выголосив Фалтінек. Проґрамовы пункты ся уж на основі його слов подарило вырішыти і з Комуністичнов партійов Чех і Моравы, котра бы мала будучу коалічну владу АНО і ЧССД підпорити. Дебаты о новім кабінеті одобрив в суботу зьїзд Комуністичной партії Чех і Моравы а в неділю і веджіня соціалных демократів.
(ТАSR, Кімак)