Чеськый презідент Мілош Земан выменовав у четверь за нового міністра здравотництва дотеперішнёго наместника директора бырняньского Факултного шпыталю Яна Блатного. Замінить Романа Примулу, котрый быв у функції 39 днїв. Інформовала о тім чеська телевізія ČT24. Примула у функції скончів про недавну ночну стрїчу в пражскій рештаврації, котра мала быти в згоді з платныма епідеміолоґічныма превентівныма кроками в тім часї заперта. Примула наперед в повязаню з інцідентом не хотїв резіґновати, наконець але в середу подав демісію. Презідент Земан у четверь оцїнив, же Блатный тепер меновав Примулу за свого сполупрацовника в бою проти захворіню КОВІД- 19.

(TASR, Шутіова)