x

Голандія приправлює аплікацію на моніторованя особ з COVID-19

00

Голандія планує в септембру спустити аплікацію на моніторованя людей накаженых новым коронавірусом. Інформовало о тім у четверь тамтышнє міністерство здравотницьтва, пише аґентура DPA. Аплікацію, котра буде служити як ,,коронавірусовый детектор“ , в сучасности тестують. Люде бы посередницьтвом ней мали быти інформованы о тім, ці мали за остатнїх 14 днїв контакт з особов накаженов коронавірусом. Вжываня аплікації буде добровольне і безплатне. ,,Мусиме зробити вшытко про то, жебы сьме забранили другій волнї наказы,“ написав голандьскый міністер здравотницьтва Гуґо де Йонґе в листї адресованім парламенту.

(TASR, Шутіова)