Дональд Трамп молодшый, найстаршый сын америцького презідента, ся у вівторок в Белеграді стрітнув зо серьбскым презідентом Александром Вучічом, оголосив лідер Сербії на платформі Інстаґрам. Діскутовали о взаємных односинах меджі країнами, інформує о тім аґентура Reuters. Серьбскый презідент повторюючо підпорив політіку днешньой америцькой адміністрації. Навщіва приходить в часі, коли ся Белеград старать найти рівновагу меджі гляданьом підпоры Споєных штатів і далшых западных країн при вступі країны до ЕУ і своїми односинами на Росію і Китай, котры суть значныма інвестороми в області інфраштруктуры, тяжіня і енерґетікы. (TASR, Pkf)