Презідентка Словацькой републікы Зузана Чапутова днесь прийме демісію премєра Іґора Матовіча. TASR о тім інформовав говорця презіденткы Мартін Стріжінєц. Зоставліньом новой влады повірить Едуарда Геґера з OĽANO, сучасного віцепремєра і міністра фінанцій. Десіґнованый премєр в понедільок познакомив презідентку з резултатом коалічных їднань. Інформовав єй і о підписах депутатів, котры мають охоту підпорьовати владу на основі коаліції партій OĽANO, SaS, Sme rodina і Za ľudí. Геґер вчера інформовав, же презідентці принесе і список членів новой влады. Конкретный склад членів його кабінету не хотів публіковати, мена хоче наперед представити голові державы.

(Медвідь, ТASR)