Україньскый презідент Володимір Зеленьскый вызвав в понедільок, жебы з обновов зниченой інфраштруктуры його країны не чекало ся на конець російской інвазії. Много є потрібне зробити безодкладно, підкреслив у відеоприговорі. Презідент вказав на то, же в областях, котры по обсаджіню російскыма силами знова здобыли україньскы силы, суть зничены десяткы тісяч домів. Так само є за його словами вже теперь треба зачати приправы на зиму. Великы части україньского господарьства суть в дослідку боїв обмеджены, но при обнові Україны бы подля Зеленьского не мало іти лем о збудованя зниченых мурів. Україна подля презідента мусить стати найслободнішов, наймодернішов і найбезпечнішов країнов у Европі.

(Медвідь, TASR)