Німецькый канцеларь Олаф Шолц в понедільок вечур стрітив ся в Паріжі з французькым презідентом Еммануелом Макроном. Головнов темов конзултацій были позіції обидвох держав у вопросі далшого поступу при войні на Україні і продовжуюча підпора той країны, інформовав Елізейскый палац. Інформацію принесла аґентура DPA. Обидвоми лідеры бісідовали і о кроках заміряных на незалежность Европской унії в областях енерґетікы, обороны і стратеґічных комодіт. Діскутовали і о сітуації в африцькім реґіоні Сагелу, де Німецько і Франція анґажують ся в боротьбі проти ісламского терорізма.

(Медвідь, TASR)