Безпечностна рада Словацькой републікы зыйде ся в середу, доміновати їй буде міґрачна кріза і експорт товарів до Ірану а Росії. Інформовала о тім говоркыня премєра Едуарда Геґера Любіца Янікова. Як повіла, на предметнім засіданю будуть так як все обговорены реґуларны і актуалны темы. В реакції на вызву SaS, жебы премєр скликав міморядне засіданя влады, повіла, же Геґер так робить все, кедь собі то выжадує сітуація. Лібералы вызвали в понедільок председу влады, жебы скликав міморядне засіданя влады якраз ку темі експорту товару до Росії і Ірану, але і ку темі міґрачной крізы.

(Медвідь, TASR)