Піддукляньска бібліотека у Свіднику, Обчаньске здружіня Про Рутенія і свідницька орґанізація Русиньской оброды на Словеньску запрашають на подію під назвов О Русинах. На акції, котра ся одбуде 31-го авґуста в просторах свідницькой бібліотекы зо зачатком о пів пятій годині  підвечур, буде бісіда о русиньскій історії, сучасности і візії до будучности. Цінным гостьом бісіды буде Петро Крайняк, штатный тайомник Міністерства наукы, досліджіня і шпорту Словацькой републікы, але і русиньскый актівіста.  На події, котра буде присвячена і сторічніці сполочного штату Чехів, Словаків і Русинів, не буде хыбити і  богатый културный проґрам.
(А. Кузмякова )