Ґенералный секретарь Североатлантічной аліанції Єнс Столтенберґ привітав у понедільок в централі НАТО фіньского міністра загранічных діл Пекку Гаавіста і фіньского міністра обороны Антті Каікконена. Высловив при тім надію, же Фінландія штохвіля стане повноцінным членом Аліанції, інформує аґентура TASR. В рамках їднаня о проґресі Фінландії на пути до НАТО Столтенберґ привітав оголошіня Турції, же продовжує в процесі ратіфікації фіньского членства, як і оголошіня Мадярька, же о тій справі буде голосовати в найблизшых днях. Пирпомянув, же Фінландія і Швеція пожадали о членство довєдна, і вшыткы союзници на минулорічнім саміті НАТО в Мадріді были згодны з посланьом запрошіня про тоты дві країны, жебы приєднали ся до Аліанції.

(Медвідь, TASR)