По вецей як семых роках ґражданской войны в Сірії хоче Німецько, Россія, Франція і Турція разом робити на новій ініціятіві заміряной на стабілізацію даной здевастованой країны. Увів то говорця Кремля Дмітрій Песков по соботняйшій стрічі німецькой канцеларкы і россійского презідента Владіміра Путіна. За інформаціями ТАSR, Меркелова перед стрічов з Путіном на замку Месебер при Берліні в суботу вечур підкреслила сполочну одповідність Німецька і Россії за рішеня меджінародных кріз, якы ся одбывають в Сірії ці на Україні. За єй словами є приправена на тім працювати разом с Путіном. Єдночасно варовала перед гуманітарнов катастрофов в Сірії.
(TASR)