Світова здравотницка орґанізація (WHO) крітізовала способ, якым суть у світї перероздїлены вакціны проти новому коронавірусу. Аж 95 процент вшыткых давок вакцін было подля WHO довеженых лем до десятёх країн. Інформовала о тім у четверь станіця ORF. Вшыткы країны, котры суть того схопны, бы мали быти за справодливе дістрібуованя очковачіх латок, повів шеф WHO про Европу Ганс Клуґе. Европа бы ся мала подля нёго в тім повязаню справовати солідарнїше. Подля аналізы онлайн платформы Our World in Data (OWID), котра ся замірює на баданя ґлобалных проблемів, суть меджі країнами, котры достали векшыну вакцін, Брітанія, Кітай, Ізраiль, Нїмецко, Росія, Споєны штаты, Іспанія і Італія.

(TASR, Шутіова)