На надвязаню міцной співпраці в области воєньского промыслу договорили ся в понедільок в Будапешту председа мадярьской влады Віктор Орбан і турецькый презідент Речеп Таїп Ердоґан. Орбан подля сервера Hvg.hu повів, же піде о зброярьску і фахову співпрацу і підкреслив, же державы суть союзниками в НАТО. Орбан оцінив, же Турція не пуштять міґрантів дале, старать ся о них, чім хоронить і Европу. Мадярьскым інтересом є за його словами міцна і стабілна Турція, котра забезпечіть мір в тамтешнім реґіоні і загамує міґрацію. Днесь проходить в Будапешту Мадярьско-турецькый бізнісовый форум, котрый одкрыв як раз турецькый презіднет. Бере на нім учать понад 150 бізнісменів із обидвох держав.
(Медвідь, TASR)
Фото: TASR/AP