Македоньска влада вырішыла передложыти до парламенту новелу конштітуції, потрібну на реалізацію обсягу білатералного договору з Ґреційов, котрого цільом є вырішыти спор о назву державы, якый тырвать понад 25 років. Інформовала о тім пресова аґентура APA. На схваліня змін о основнім законі державы треба дві третины 120-членного парламенту, значіть голосы 80-ох депутатів. Владна коаліція має моментално лем 69 мандатів. Премєр Зоран Заєв уж зачатком місяця выразив надію, же ся му подарить пересвідчіти і правіцьовы партії, жебы зміну підтримали. Покля ся то не подарить, країну чекають передчасны выборы, авізовав премєр. Подля офіціално непотвердженых інформацій македоньскых медій бы голосованя о змінах, котры суть потрібны головно про одблокованя евроатлантічной інтеґрації Македонії, могло проходити вже 16-го октобра.
(Медвідь, TASR)