В Братіславі собі вчера святочным наступом і громадов в резорті обороны припомянули 30-ту річніцю выникнутя Словацькой републікы і озброєных сил. Презідентка Зузана Чапутова на події повіла, же почас попередніх трьох декад озброєны силы стали певнов частьов і стаблізачным елементом отцюзнины. Презідентка а єдночасно головна командантка Озброєных сил Словацькой републікы припомянула, же высоков міров професіоналіты помагали озброєны силы при пандемії, охрані державных граніць, але при тім, жебы звладнути приход людей, котры втікали перед войнов з Україны. Дочасно повіреный премєр Едуард Геґер повів, же покля хочеме, жебы слобода і правна держава могли фунґовати і далше, потребуєме забезпечіти в першім шорі безпечность. Дочасно повіреный міністер обороны Ярослав Надь означів остатні три декады про Словакію і резорт обороны за успішны. За найвызначнішу дію означів вступ Словакії до НАТО.

(Медвідь, ТASR)