Не суть на місці обавы з того, же в країнах Европской унії небуде достаток вакцін протів захворіню COVID-19. В діскусній релації телевізії TA3 В політікі то увів підпредседа Евроспкой комісії про  меджіінштітуціоналны односины і стратеґічный выгляд Марош Шевчовіч. Актуалні мать Европска унія подля його слов забезпеченых 2,3 міліярды вакцін, што є  докінця веце як Европа потребує. Лем посередницьтвом двох вакцін, котры суть того часу на торгу, мать уж днес Европа забезпеченых достаток вакцін на заочкованя веце як 80 процентів европского обывательства. (TASR, Pkf)