x

Російска поліція затримала Алехея Навального і дальшых 68 особ

00

У звязку з навернутям російского опозічного політіка Алехея Навального до Росії затримала російска поліція в неділю цілково 69 особ вєдно самого політика. Подля справодайского порталу Meduza.io о тім інформував портал OVD-Info, котрый ся заоберать моніторінґом поліцайных закроків в Росії. Конкретізував, же в Москві было затриманых 62 особ, звышок в Петрограді. В арешті попереднього затриманя  было затриманых четверо особ вєдно Навального. Осуд 16 затриманых неє є покы знамый. Меджі затриманыма были двоє малолітні  і найменше шестеро новинарїв. (TASR, Pkf)