Посланці Народной рады (НР) СР одштартіровали у вчера перше рядне засіданя в тім році. На зачатку ся їх як притомных презентовало 79. На програмі мають понад 150 пунктів. Окрім владных і посланецькых пропозицій їх чекають тыж персоналны вольбы, вырочны справы ці пропозиції узнесінь. Голосовати тыж мають о пропозиціях, котры ся пересунули з попереднього засіданя про незгоды в коаліції. Днесь, по 17.00 годині їх чекать вольба председы парламенту і далшы персоналны волиьбы. Волити мають членів Рады Словеньской телевізії і розголосу, члена Справной рады Пресавой аґентуры СР і члена Справной рады Інштітуції памяті народа. Одбыти ся мать і вольба до чела выбору НР СР про польногосподарьство і жывотне оточіня, вольба члена Судной рады СР і вольба членів Рады про медіалны службы. (TASR, Pkf)