Єдным з найвыразнїшых выслідків проєкту європской інтеґрації є шенґеньскый простор. Од свого правного выникнутя в 1985-ім році ся поступово росшырив так, же ся став найвекшым сполочным ріґіоном многых штатів на світі, в котрім мож незалежно подорожовати. В сучасности обєднує 29 країн: 25 з 27 членьскых штатів Європской унії (окрем Ціпру і Ірландії), як і Ісланд, Ліхтенштайнско, Норверґія і Швайцарія, в котрых жыє понад 400 міліонів  жытелів. Словеньска републіка ся стала офіціално членом шенґеньського простору 21-го децембра 2007-го року. (TASR, Pkf)