Нiмецькый федералный презідент Франк-Валтер Штайнмаєр вчера по першім засіданю нового Федералного сейму формално одкликав діючого канцелара Олафа Шылца. Його влада, єднак, буде продовжувати выконовати свої функції до зложіня новой. Інформує о тім агентура DPA. Подля німецького уставного права владный період кінчить зложіньом нового Федералного сеймы. Шылцовы соціалны демократы (SPD) у фебруаровых вольбах скінчіли на основі голосуваня на третім місці за хрістіяньскыми демократами (CDU/CSU) і партійов Алтернатіва про Німецько (AfD). CDU/CSU під веджіньом Фрідріха Мерца веде переговоры з SPD о зложіню новой владной коаліції. Можный будучій канцелар Мерц паруразів уж выголосив, же хоче новый кабінет зложыти іщі перед великодньовыма святами в апрілю. (TASR, Pkf)