x

Днесь по четвертый раз засідають посланці ПСК

00

Посланці Пряшівського самосправного края (ПСК) ся днесь, в понеділок 13-го фебруара, стрітли на четвертім засіданю крайського заступітельства. Проґрам засіданя є твореный з 36 пунктами їднаня, причім найважнішыма темами суть ґрантовы проґрамы края. У Вызві председы є планована дотація у вышці 400-тісяч евр, у Вызві посланців 1,34 міліона евр, і у Вызві Партіціпатівный розрахунок 260-тісяч евр. В проґрамі є і управа розрахунку з чім є повязане і одобріня фінанцованя выставбы штадіона Футбал Татран Арена в Пряшові і підписаня договору о діло. Крайскы посланці окрім іншого будуть занимати ся фінанцованям реконштрукції Музея модерного уменя А. Варгола в Меджілабірцях ці темов повязанов з добудованям ціклоінфраштруктуры Полонины траіл, 1-шой етапы, траса Улич-Улич Криве. (TASR, Pkf)