Довєдна 34 країн включно Словакії высловило в понедільок знепокоїня над пропозіційов Меджінародного олімпійского комітету уможнити російскым і білоруськым шпортовцям змагати ся на Олімпійскых грах 2024 в Паріжі під невтралным флаґом. Сполочне выголошіня підписали подля CNN міністры шпорту і културы 34-ох країн включно США, Канады, Великобрітанії, Франції, Німецька, але наприклад і Словакії, Австрії, Чеськой републікы ці Польщі. За Словакію выголошіня підписав дочасно повіреный міністер школства, наукы, баданя і шпорту Ян Горецькый.

(Медвідь, TASR)