Выглядкову вежу высоку 11 метрів в понедільок святочно одкрыли на містнім верьху Шанець в Сабінові. Радніця на ню здобыла 50 тісяч евр в році 2018 в рамках выїздового засіданя влады в Сабінові з цільом підпоры турістічного руху і піднятя атрактівіты лісопарку Швабльовка коло міста. „Сьме рады, же по довгій приправі і здобываню потребных поволінь ся выбудованя выглядковой вежи подарило довести до успішного завершіня. Віриме, же жытелям і навщівникам міста буде довго служыти і приносити хосен в подобі прекрасных поглядів на Шарішску долину і верьхы околіці,“ повів про TASR говорця міста Юрай Врабель. Вежу про непрязны кліматічны условії будовали од апріля до кінця авґуста приблизно з пятьтыждньовов перервов. В тій локаліті є наіншталована і крестна дорога, котра є часто навщівльована.

(Медвідь, TASR)