По тім, як Северна Кореа інформовала же в часї од 23. до 25. мая вышмарить до воздуху чотыри підземны тунелы, запре вшыткы всупы і знічіть далшы заряджіня в комплексї Пхунґґє, владный здрой в США высловив думку, же КНДР у четверь тоты тестуючі просторы знічіла так, жебы їх было мож знова поужыти. Повказовали на то, же їх ліквідація проходила без притомности експертів. Здрой з Білого дому увів, же Северна Кореа ознамила ліквідацію тестуючого центра а надїють ся, же то так і є. Но упозорнив тоже, же в скуточности не знають істо цї ся так стало. Додав, же КНДР обіцяла міністрови загранічных дїл Майкови Помпіови і владї Южной Кореї, же загранічны експерты і высокопоставлены урядници будути призваны, жебы сітуацію просондовали і потвердили ліквідацію тестуючого заряджіня, але наконець тото обіцяня не было дотримани, пікдреслив здрой в Білім домі.
(TASR)