Перша загранічна робоча драга міністра загранічных діл і европскых справ Словацькой републікы Івана Корчока вела в понедільок до Чеськой републікы, інформовала аґентура TASR. Шеф словацьой діпломації ся там стрітив зо своїм чеськым резортным партнером Томашом Петжічком. Обидвоми міністры потвердили надштандартны односины меджі країнами. Темов розговорів быв і гранічный режім. „Згодли сьме ся на сполочнім інтересі коордіновано увольновати гранічный режім, што в нашых условіях завісить од рішіня Централного крізового штабу і влады Словацькой републікы, котра позорно слухать фаховців у областях епідеміолоґії,“ цітовала аґентура міністра. Чеського партнера інформовав о планованім рішіню словацькой влады уможнити словацькым гражданам подорожыти до країн околіці з вынятком Україны на 48 годин, покля сповнюють условії вступу до цільовой державы.

(Медвідь, TASR)