Село Ондавка в Бардейовскім окресі ся стало нефункчным селом, кедь не мало старосту ани жадного посланця сельского заступительства по двоїх комуналных вольбах. По  фебруаровых парламентных вольбах ся уж говорило о прилучіню Ондавкы ку сусідньому селу Бехерів. Но по веце неподареных почінах ся сітуація мінить, кандідаты на старосту і посланців села ся приголосили. А так 3-го октобра будуть собі жытелі Oндавкы волити старосту і посланців, а процес прилучованя ся затля заставує. Доповнюючі вольбы до орґанів самосправы выголосив на 3-го октобра председа парламенту Боріс Коллар. TASR (А.Кузмякова)