Марґарет Кінанова, 90-річна брітаньска сеніорка, стала першов особов на світі, котра днесь дістала вакціну проти коронавірусу од компаній Pfizer і  BioNTech. Інформовала о тім аґентура Reuters. Кінанова была вакцінована в містнім шпыталю в місті Конвентрі в централній Анґлії рано о 7.31 год. середньоевропского часу. Сеніорка повіла, же ся чує прівілеґовано, є то про ню найліпшый передчасный дарунок, якый могла дістати і тішыть ся, же на Новый рік може быти з родинов і приятелями, кедьже векшыну року была сама дома. Брітаньскый Уряд про реґулацію ліків у вітірок 2-го децембра оголосив, же вакціна од компаній Pfizer і  BioNTech є безпечна і на обще хоснованя. Великобрітанія обїднала 40 міліонів вакцін і першых 800 тісяч є од віторка к діспозіції про першу фазу вакцінації.

(Медвідь, TASR)