Высокым школам прибуде новый тіп бакаларьского учебного проґраму. Іде о інтердісціплінарне штудія. Штудентом мать дати можность вытворити собі вынятковый профіл з оглядом на выбер абсолвованых предметів, причім будуть мати можность оддалити свій вердікт о головнім учебнім заміряню. Выпливать то з новелы закона о высокых школах, котру 87 голосами одобрили посланці НР. „Тот тіп учебного проґраму є акуратный і на реалізуваня концепту освіты называного як лібералны штудія,“ пише ся в пропонуванім матеріялі. Высокым школам давать можность, абы мав штудент в рамках учебного проґраму на выбер зо шырокой палеты предметів з многых учебных одборів, причім водношіню од конкретного учебного плану штудент наконець здобуде освіту в конкретнім учебнім одборі або в комбінації двох учебных одборів.
(TASR)