Норьскый Нобеловый выбор вчера ознамив, же до посліднього часу подаваня приголошінь, то значіть до 1-го фебруара зареґістровав 285 кандідатів на Нобелову ціну міру 2024. Є то пониженя проти минулому року, кедь достав 351 платных номінацій. Інформувала о тім аґентура AP. Мена 196 єднотливців і назвы 89 орґанізацій у звязку з праксов Нобелового выбору неопубліковали. Норьскый Нобеловый выбор поступово список кандідатів зужыть і в октобрі ознамить переможця або переможців. Оцініня вєдно з діпломом і фінанчнов одменов переберуть традично в Ослі 10-го децембра – в день смерьті основателя Нобеловых цін Алфреда Нобела (1896). (TASR, Pkf)