В Хорватії вчера святочно одкрыли довго очікуваный міст споюючій южну часть його ядраньскых берегів з рештов країны, причім обходить узькый пас теріторії Босны  і Герцеґовины. Інформує о тім аґентура AFP. Пелйешацкый міст з довжынов 2,4 кілометра веде з хорватьской певнины на півострів Пелйешац, котрый переходить до южной часті  хорватьскых берегів вклиненого меджі Ядраньскым морьом і Дінарскыма верьхами. Про 45-рочного Івана з хорватьского Спліту, котрый на вчерайшу церемонію пришов з чуджіны, ‟тот міст представує зйєднаня Хорватії, споїня югу зо севером.‟ (TASR, Pkf)