x

На Словакії є 15 окресів з найвекшым різіком шыріня захворіня COVID-19

00

На Словакії є по новім 15 окресів, де є  найвекше різіко шыріня захворіня COVID-19. Меджі чорны окресы у четвертім ступіні варованя суть Партізаньске, Дунайска Стреда, Ґаланта, Снина, Нітра, Шаля, Злате Моравце, Ревуца, Рожнява, Бановце над Бебравов, Нове Место над Вагом, Глоговец, Піештяні, Трнава і Жіар над Гроном. Влада СР на своїм днешнім їднаню одобрила в рамках COVID автомату розділіня окресів подля актуалной різіковости з діяням од понеділька 15-го фенруара. В третім ступіню – бордовім, є по новім 51 окресів, в другім ступіню варованя – червенім, є 13 окресів. В рамках COVID автомату на реґіоналній уровні платить подля інформацій міністерства здравотницьтва, же в чорных окресох суть школы заперты, в бордовых на основі рекомандації реґіоналного гіґіеніка і в червеных і ружовоых окресох суть отворены. Платность неґатівного тесту на COVID-19 в роботі є  причорных і бордовых окресох сім, в червеных 14 і в ружовых 21 днів. В чорных окресох є заказаный вступ і выступ з окресу. При бордовых, червеных і ружовых окресох є рушаня меджі окресами можне лем з тестом  з платностьов сім днів.  (TASR, Pkf)