Предсидателька Европской комісії Урсула фон дер Леєн дістала запрошіня, жебы ся приєднала до такзваной Рады міру, котра є частьов мірного плану америцького презідента Доналда Трампа про Пасмо Ґазы. Цільом той рады є дозерати на справу і реконштрукцію той палестіньской енклавы. Споєны штаты запросили коло 60 країн, жебы приєднали ся до Рады міру. Постоянне члнество Трамп пропонує лем із условієм заплачіня єдной міліарды доларів, і він в раді має мати дожывотну презідію. Вебсайт Euronews інформовав, же мадярьскый премєр Віктор Орбан є затля єдиный лідер членьской державы Европской унії, котрый запрошіня Трампа прияв. Окрем Орбана запрошіня дістали і турецькый презідент Речеп Тайїп Ердоґан, еґіптьскый презідент Абдал Фаттаг Сісі, йорданьскый краль Абдаллаг ІІ. ці казахскый презідент Касім Жомарт-Токаєв. Кремель інформовав, же Трамп запросив до рады і російского презідента Владиміра Путіна.

(Медвідь, TASR)