x

Київ не хоче в презідентьскых вольбах волебных позорователїв з Росії

00

Україна, котра поважує Росію за „аґресорьскый штат“ у четверь схвалила леґіслатівну пропозіцію, котра мать в марцовых презідентьскых вольбах на Українї заказати притомность руськых волебных позорователїв. Інформовала о тім аґентура DPA.

По руській анексії Криму а боёх меджі проруськыма сепаратістічныма ґрупами і україньсков армадов близько руськых граніць суть взаємны одношіня меджі Росіёв і Українов найгіршы запослїднї рокы. З пропозіції, котру схвалив парламент выходить, же Росія не буде мочі выслати своїх позорователїв до волеб а то ани під защітов Орґанізації про беспечность і співроботу в Европі, котрой членми суть Україна і Росія. З пропозіції выходиить, же волебный позорователь не може быти жытелём державы, котру україньскый парламент бере як „аґресорьскый або окупачный штат“. Жебы даный закон вступив до платности, мусить го підписати презідент.

                                                                                                          (ТАSR, Шутіова)