Веце як 527.000 обывателів області выходоукраїньского Донбасу, котры суть під контрольов сепаратистів, достало за послідні два рокы російске жытельство. Інформувало о тім вчера Радіо Слободна Европа (RFE/RL) з одкликаням ся на даны російского міністерства внутра. Скоро 40 процент жадости о російскы пасы было подля міністерства замітнутых, кідь же їх подали особы, на котры ся односили обмеджіня вступу на теріторію Російской федерації. Громадне выдаваня російскых пасів уможнило постановліня російского презідента Владіміра Путіна з апріля 2019. Влада в Києві одсудила тот поступ як порушіня штатной сувереніты Україны і часть гібрідной войны, котру протів ньой веде Росія. (TASR, Pkf)