Тісячі людей в Словенії вчера демонштровали протів владі правіцового премєра Йанеза Йаншу, котрого його одпорцове обвинюють з обмеджуваня демократичных слобод в тім традичнім умірненім штаті. Демонштранты жадали демісію влады і предчасны парламентны вольбы. Як інформувала аґентура AP, протестна акція в Любляні ся одбыла в День одпору протів окупантам, котра ся часово згодує з датумом заснованя Фронту ослободжіня – одбоя протів націстам і їх споєнцьов в часі  цілой другой світовой войны. (TASR, Pkf)